2022年10月1日國慶盃賽日
10月1日週六跑沙田日馬，草地用C+3跑道，共十場賽事，一場盃賽為第七場三級賽國慶盃的1000米直路，但只得七匹馬競逐，但今次應該不會有11蚊獨贏派彩。
跑了整個9月賽事，大家一定計計數，邊個未開齋？練馬師就只賴低未出馬的黎昭昇；騎師方面，大家咪以為沒有雷田，騎師會好過點，實情還有七位騎師未開齋，當中外藉師傅賀銘年未贏，而陳嘉熙更加是未入過三甲。其實先前一直就話騎師好難爭得到好馬，但當少了前列騎師時，一樣容不到下游騎師有飯開，這個現象顯示其實練馬師和馬主基本上對某些騎師完全沒有信心，所以大家明白點解下游騎師贏親都爆到似六合彩派彩。
講開六合彩派彩，唔知大家有沒有留意一單水貨六合彩案件？原來走私奶粉、波鞋、龍蝦等之外，六合彩飛一樣有人走私（馬會高層說，其實最好生意的投注站是上水，相信就是這原因，但據聞今次這批飛是在荃灣投注站買）。一次1.6萬張電腦飛，共投注33萬，20蚊本錢一張收番24蚊，都算是幾好利錢。賣得晒，每次袋約6萬，一週三次，即每週18萬，每個月袋接近80萬，真的一本萬利；就算賣不晒，還有機會中獎。好似充公了的彩票，600張就中了共7萬，但政府居然話研究收不收彩金。其實無理由不收，香港行普通法精神，若果這次不收，下次一個唔好意思有張充公飛中了8000萬時，政府唔收點同市民交待呢？
今次投注方式，下注如下：
第3場 4號 英雄豪傑
第9場 11號 合夥精英
W2x3 共500元
P2x1 共500元
累積投注 7,000元（包括今次）
累積回報375元
Agent 14 (Photo Source: HKJC)
Comments