2026年6月7日香港大學校友會挑戰盃賽日

三冠過勇打茅波 世盃殺到馬場靜

2026年6月7日沙田夏令日賽馬，頭場四點開跑，泥草混合，九草二泥，草地用C跑道，共11場賽事，一場盃賽，安排於第七場四班1200米的香港大學校友會挑戰盃。

遮打盃過了兩個多星期，但網上仍然有人談論麥道朗騎法和誰是馬王。其實筆者不早寫，就是避免越描越黑，因筆者也覺得這三冠尾關完成度是有點勝之不武。然而，錯又不是隻馬，是騎師打茅波，馬會若要維持公正性，重罰騎師就必須，但又怕重罰下連馬匹名次也影響，所以最終選擇輕判。奈何馬會和麥道朗相信當時都帶有種感覺就是唔輸得，所以才製作出這個結果，最後給日本馬迷（或部份本地馬迷）所不恥。至於誰是馬王，其實都不用看是否有打茅波或長途有沒有對手，單單看投注額，大家就知嘉應高昇才是眾望所歸之全球短途無敵賽驅。

另外，過多一週就展開世界盃分組賽，相信馬會都是笑住發愁。點解咁講？因為世界盃開波，多多少少都會刺激足智彩的投注，自然帶旺今年投注收入。然而話分兩頭，由於今屆世界盃在美國打，所以筆者見到個現象，不少富貴球迷索性飛去美加，保證不用捱時差看球賽，還可親身入場；而不能飛去美加睇波的球迷，相信這個月都要日夜顛倒，那若果是又是球迷又是馬迷，可能索性早睡早起去睇波而不睇馬。因此，對於未來個多月賽馬的投注額和入場人數下跌是合理預期，但銀紙無色認，所以只要賭波可以彌補賽馬的跌幅就無所謂了。

今次投注方式，下注如下：

第1場12號 一鹿歡騰

第8場9號 十分愛

W2x3共500元

P2x1 共500元

累積投注 78,000 元（包括今次）

累積回報 36,550元

Agent 14

(Photo Source: HKJC)