2022年11月23日快活谷C跑道賽日
11月23日週三跑快活谷夜馬，用C跑道，是日無盃賽，只跑八場。大家唔需要覺得奇怪，因為這個賽馬日很特別，是特工自出娘胎以來，首次可以一晚有兩場世界盃分組賽睇加埋同時間賽馬，所以馬會編場也顧及大家感受，只編八場，等大家可以好好分配賭波和睇馬之時間，好好享受這特別時刻。
上賽日賽事當然精彩，各長中短途都見到精英們表現更勝從前，多匹新星亦跑出超班時間，證明後浪質素仍然有為，香港馬未來幾季應可保持國際爭勝水準。然而，香港馬勝出後，唔該馬會千祈唔好播錯歌和出錯歌名，否則無馬跑就大鑊。至於有人提出要教育代表香港的運動員應有反應和舉動，特工都想知會不會要求代表香港的運動員唱國歌，到時唔知潘頓是否真的會唱義勇軍進行曲呢？
另一方面，馬會終於批准香港退役馬直接從香港運到澳門，這算是救救澳門馬會這小弟之義（現時只得270隻馬咋…）。老實說，以往不批准的原因，無非是針對澳門馬會之競爭，免出現一場12匹全是香港退疫馬之影子賽事，以及香港馬主兩地玩之現象。然而這種敵我之思維早已不合時宜，畢竟香港賽事水平高了，在本港沒有競爭力的馬，馬會人道立場好應該讓馬匹多條出路，也為馬主謀多一點福利，好讓馬匹競賽生涯輕鬆延續。尤其現在我們講緊大灣區融合，就兩個特區更加應該守望相助，到時可能澳馬和港馬融為一體，灣區賽馬會未必不可能呢？
今次投注方式，下注如下：
第2場 9號 無敵精英
第5場 8號 凱旋再來
W2x3 共500元
P2x1 共500元
累積投注 21,000元（包括今次）
累積回報2,550元
Agent 14
(Photo Source: hkjc.com)
Comments