2022年10月19日浪琴錦標賽日
10月19日週三跑快活谷夜馬，用B跑道，一場盃賽為浪琴錦標，編為第六場的三班1200米讓賽。既然叫得是浪琴錦標，當日應該都仍然是名錶巡遊，但聽聞近期經濟不景，不少名錶也跌價了，但我估跑馬一樣星光熠熠吧。
講開星光熠熠，賽馬界近來就當然數到珠穆朗瑪峰錦標，出得賽的，除了有錢，還要有頂級實力先有資格出賽。今屆能夠擊敗綠化帶的勁力猛擊，四戰全勝兼擊敗世界短途王，無人會話佢水馬，除了香港馬會。據聞當年希斯想引入此馬來港，馬會居然話唔夠分（即跑得不夠好啦）不符合資格來港，你話我們評磅員評馬實力有幾強，大家心知肚明。
不少香港馬主都想將自己外地的級制佳駟運來港，其實馬會不妨開放一點，只要香港馬主全資擁有的外地級制賽冠軍，就算無籤都可以運來，那樣拍賣會和馬販都一定更加希望做香港馬主生意，自然找到多點好馬，而日後馬會也多點各地級制冠軍來港混戰，賽事水平一定提高，偏偏馬會原來自己就是難路虎。
反而有一排馬會特別多明星有馬出賽，也特別多明星入場，當時帶朋友入場都多數有意外收獲，就是除了睇駿馬也睇靚人，可以見見林峰、李佳芯等真人，賭馬外也可以跟明星影相，相得益彰。近年就少了點明星馬，唔知是明星不入飛還是馬會咁公平無籤給他們抽到呢（又做難路虎？）？要年輕化，日本馬會就經常用新晉明星宣傳，也加入不少本地文化如動漫來吸引非馬迷入場。最特別是，日本馬會也試過讓得勝明星馬主即場高歌一曲，特工相信香港馬會就不容易特別批准（都話出名難路虎），否則我都想看看城城在凱旋門勁歌熱舞。
今次投注方式，下注如下：
第3場 3號 三生好運
第6場 3號 鴻運飛鷹
W2x3 共500元
P2x1 共500元
累積投注 12,000元（包括今次）
累積回報1,110元
Agent 14 (Photo Source: horseracing.com.au)
Comments