2022年12月24日仁濟盃賽日
12月24日週六跑沙田日馬，泥草混合，草地用B跑道，是日有一場盃賽，編為第7場三班1200米的仁濟盃。以往聖誕期多數編在拆禮物日跑馬，但今季改在平安夜，唔知會不會吸引馬迷入場搞個聖誕早場派對呢？又剛剛好是個週六賽期，會否在此平安夜賽日爆過七彩呢？
近期除了國際賽日外，大部份賽日都錄得跌幅，馬迷都想知馬會點救投注額。最簡單就是增加玩法，所以那些即場練馬師王、二重彩單T過關、新增孖T場次等陸續出台；其次最好就是增加場次，跑多場，投注額點都多少少，至少那場馬主們都有點例飛捧捧場。其實增加場次，對各單位也好，因練馬師、騎師和馬主們都有多點機會拿獎金，最重要是好多時拆組可以攤薄了對手，同班次一級的馬有機會偷雞贏番場。
然而，跑多幾場唔等於位位騎師受惠。大家望望騎師成績就會發現，依家基本上幾位騎師壟斷了大部份頭馬，下游騎師不要說想贏一場馬難，實際上是騎一匹馬也不容易，情況實在令人擔心（黎海榮今年計埋今日出賽過13個賽日，一半都無）。點解咁講？若果大部份騎師在香港也搵不到食，試問如何再叫多點人來港策騎或做騎師呢？一個馬圈，就算不是百花齊放，也應該做到家家有飯開，馬會可能又係時候要有點新措施去限制騎師選馬量了。
今次投注方式，下注如下：
第6場 5號 健康馬
第9場 7號 合夥精英
W2x3 共500元
P2x1 共500元
累積投注 30,000元（包括今次）
累積回報 4,125元
Agent 14
(Photo Source: hkjc.com)
Comments