2022年12月21日美國會所挑戰盃賽日
12月21日週三跑快活谷夜馬，草地用C跑道，是日有一場盃賽，編為第5場四班1000米的美國會所挑戰盃。今屆世界盃曲終人散，勝出的阿根廷和美斯，是否你的心水？然而，我估過去一個月，對不少馬迷絕對是過著非人生活（除非你所有3點那場也不睇），到年尾終於可以回復正常。經過今屆這樣安排，特工覺得在季中比賽幾好，至少球員狀態還可以，不像以往已經在球季季尾，大多又傷又疲。
世界盃絕對刺激了足智彩投注，不少朋友平時唔賭都會參與下。特工一向不賭波，主要是嫌賠率不高，但馬會加了那個同場過關後，發覺賠率是高了，但難度也不少。除了足智彩有新玩法外，馬會在千呼萬喚下，終於也推出二重彩和單T混合過關，但最多三關，暫定1月8日賽馬日開始。同日，馬會也會增加孖T場合，夜賽4口，日賽5口，一次過加碼，索性攞你命三千。
馬會要攞你命，賭仔就要懂吊住自己條命，尤其馬房手足。馬圈裡，很多人以為馬伕、練馬師和騎師等，日日對住批馬，應該最知道狀態和取勝機會。當然，對於自己處理開的馬匹，馬房人仕當然較一般人更知道狀態如何，但要知道跑馬有很多因素影響賽果，所以賭錢不要孤注一擲，千萬不要像苗禮德馬房的手足，搞到有人追債到馬房和宿舍，影響大家運作。
今次投注方式，下注如下：
第2場 3號 錶之五知
第4場 4號 育成精彩
W2x3 共500元
P2x1 共500元
累積投注 29,000元（包括今次）
累積回報 3,315元
Agent 14
(Photo Source: hkjc.com)
Comments