2021年10月13日快活谷B欄賽日
10月13日週三跑快活谷夜馬，草地用B欄跑道，無盃賽，又回復八場。縱使戲碼平淡，但特工仍然希望賽事能順利舉行，因行文時天文台預測大風打到黎，停賽絕不奇。
上賽日能順利舉行，都要多謝馬會力場。有不少香港市民怪天文台亂掛風球，應掛時唔掛，唔洗掛時就掛左。其實一向打風都是要看風雨從那裡來，總有部份地區受災較重，部份地區受災較輕，若果永遠企在對立面去思巧（好天擔心傘賣不出，雨天又擔心太陽眼鏡銷情），當然幾時都不開心。大家不妨換個角度為我輩馬迷著想，好彩風球於週六慢慢緩和，否則連馬都無得跑待在家中更無癮。
然而，最應該多謝天公做美的，不是特工這些小馬迷，而是大師傅神童紹。就算你話好彩潘頓不在，神童先有好馬騎，但觀乎連場博殺都入前四，特工又不相信隻隻馬都好有競爭力，多少都要騎師發揮幫助吧？其實早幾季神童紹腰傷影響，經常要就住就住，但上季尾已聽聞完全康復，所以神童復甦早有伏線。至於究竟Win神何醒還是神童紹勁，特工就決定見華將都捧場，希望華將今季有機會做冠軍騎師就駕勢堂。
今次投注方式，下注如下：
第3場 7號 老實人
第4場 8號 榮惑
W2x3 共500元
P2x1 共500元
累積投注 11,000元（包括今次）
累積回報 8,242.5元
Agent 14 (Photo Source: HKJC)