2021年10月6日快活谷A欄賽日
10月6日週三跑快活谷，用草地A欄跑道，無盃賽，但終於一夜九場正式開始。
馬迷可能會奇怪，既然馬會想增加投注額，點解唔一早九月就沙田跑11場、快活谷就跑9場。其實馬會點會唔想谷到盡，但馬匹要維持競賽狀態要有一定程序，並不是有賽程就可以出來跑。由於操練未能跟上，引至報名馬不多，所以馬會也不敢在季初亂加場次。
當然，部份練馬師喜歡寓賽於操，等馬匹一邊減分一邊通過競賽提升狀態。有不少馬迷覺得這不是寓賽於操，而是減分減到咁上下，馬匹就有競爭力，所以只要馬主有耐性，減多幾場就有機會拉頭馬。可是，忠心鐵馬容易找，忠心馬主無幾個。所以，現時的練馬師，沒有幾個夠膽亂來，否則馬主不滿表現，走下一個又一個，沒有馬，你幾好練馬功力都係假。
換個角度來看，馬主未必那麼無情，反而不少練馬師無義就不時聽聞。明明去馬就說馬匹要減分，明明唔博就叫馬主執整點拉大隊入場拉頭馬。所以谷氣馬主時時有，馬主圈不時傳言馬主們是籌錢買馬給練馬師玩和搵錢。最慘是馬主不同意練馬師部署，但很多時也不敢說，因怕練馬師玩野，畢竟練馬師要輸一匹馬十拿十穩，但要贏就一定要跟練馬師方向，幾時到出錢的話事…。
今次投注方式，下注如下：
第5場 5號 桃花旺
第8場 1號 知道必勝
W2x3 共500元
P2x1 共500元
累積投注 9,000元（包括今次）
累積回報 8,242.5元
Agent 14 (Photo Source: HKJC)