2021年7月11日沙田煞科賽日
7月11日週日跑馬，用沙田A跑道，跑足十一場，有兩場盃賽，就是沙田一哩錦標及香港馬主協會錦標，都是一班讓磅賽。煞科加番兩個盃賽，一方面是要測試新力軍能力，另一方面也希望季尾留多點馬主在港撐場。然而，今次兩個盃賽參賽的四歲馬實力都未似突出，希望會有點驚喜；至於馬主們，這季都被逼留港居多，馬會不怕無人入場。
話咁快又到馬季煞科，但今次是沙田煞科，不是馬季煞科，所以不知馬會會是在沙田辦頒發練馬師和騎師冠軍獎盃，還是等到快活谷馬季煞科呢？理論上，當然蔡約翰可以追上，但實際上就好難；至於雷神個冠軍就好穩陣，因潘頓停賽了無得追。在沙田陽光普照下捧盃，氣氛會好好多，但捧盃最緊要實至名歸，所以如果未確定的賽果，可能真的要等快活谷煞科。
好似告東尼獎就緊湊得多，因為相差只是兩場，而兩位華藉騎師都似乎會認真博拳。當初搞個告東尼獎有點似太公分豬肉，等華人騎師點都有獎；但現時可以做到這種令馬迷也肉緊一份的效果，相信多少是因為兩位華將都有自己粉絲。有粉絲就有底氣（有馬主、練馬師和馬迷支持），日後擔到飛，馬會也會關照多一點。
今次投注方式，下注如下： 第3場 1號 合夥贛勁 第4場 1號 合約精神 第7場 7號 威威高星
W3x7 共300元 P3x4 共700元
累積投注 24,000元（包括今次） 累積回報19,247元 （自2021年4月14日開始計算）
Agent 14 (Photo Source: HKJC)
Comments