2021年7月4日主席賽日
7月4日週日跑馬，跑沙田日馬，泥草混合，草地用C+3跑道，跑足十場，有十場盃賽。你無睇錯，真的是十場盃賽，因是日是主席賽日，連頭場新馬都有盃捧，所以對馬主意義重大。
上賽日大家議論紛紛，當然是小潘做磅出錯問題。老實說，罰得重了點（因其實不太影響名次），但未必有錯，因專業騎師做足磅是必須的，所以希望錯了一次、罰得重點，日後就不會再犯。然而，對於影響臨場公佈派彩就其實有點迂腐，因他是做輕了磅，著數了也只跑第十，投注者無投訴基礎，所以應該早早公佈派彩。然而，若果重了磅，相信後果嚴重得多，不單有機會影響爭勝機會，同時影響派彩，相信到時就不是罰十萬那麼簡單，因多了一磅，隨時累馬會蝕幾千萬呀！
話說回來，馬會蝕幾千萬，數目大，但又不會蝕不起。一如今屆的拍賣會，埋單叫有賺，但計埋運馬養馬的成本，其實馬會是蝕住賣出去。然而，蝕住都要賣，一來希望協助不少不想自己煩去找馬匹的馬主，二來相信為日後加大馬口做準備。畢竟從化開了，增加馬主是事在必行，亦遲早越來越多國內人會參與，因不用通行證就可拉頭馬，幾方便。然而，要短時間教這批人買馬，談何容易；所以最好通過自家拍賣會，加支特別籤，到時要增加馬口並在從化跑，你還擔心從化無馬？
今次投注方式，下注如下： 第2場 2號 金碧科 第6場 13號 合夥年代 第7場 6號 天空之城
W3x7 共300元 P3x4 共700元
累積投注 23,000元（包括今次） 累積回報16,639.50元 （自2021年4月14日開始計算）
Agent 14 (Photo Source: HKJC)