2022年2月23日快活谷C+3賽日
2月23日週三跑快活谷夜馬，草地用C+3跑道，跑九場，無盃賽，但正值跑馬地百萬挑戰盃終極戰，所以仍然有不少跑馬地精英出來搶分。其實特工講過好多次，唔明點解此計分賽要二月完？
炙手可熱的新聞，當然是葉楚航中新冠病毒，要避戰入場，搞到連好友蘇偉賢也要一同避戰。當然，練馬師又點會只是接觸一個馬會中人，所以相信現時葉廐裡也會特別睇得緊，而騎師相信也會擔心，究竟有沒有影響操練和部署，這個就未知。只是馬會一路查人，其實有沒有查馬呢？特工都好想知，這個相信亦有不少馬會會員和馬主擔心。同時，若果情況持續，會不會出現一個情況不夠人操馬，或大部份練馬師或騎師也可能缺席。
當然，上賽日金槍六十再敗，引來網上熱議，有些人說濕地不合、有些人說里程已盡、應該退役，當然有些人說騎師不懂隨機應變，早段跟前些少。特工就沒有甚麼睇法，馬王就是馬王，但特工不會期望馬王會永遠不敗，或甚麼路程或場地也勝出。其實繼續跑，特工會支持，因馬王只要稍為回勇或路程場地合適，應該仍然可勝；然而，退役也可，畢竟成就光輝，相信未來十年也不容易打破此成績，好讓馬匹輕輕鬆鬆渡過餘生。
今次投注方式，下注如下：
第3場 10號 鎂之妙
第4場 3號 秒秒精彩
W2x3 共500元
P2x1 共500元
累積投注 48,000元（包括今次）
累積回報 27,967.5元
Agent 14 (Photo Source: HKJC)
Comments