2026年10月21日浪琴錦標賽日

週一賽事頻頻爆 要知風向看旗幟

2026年10月21日快活谷夜馬，週三賽事，用B跑道，共9場賽事，一場盃賽，安排於第6場二班1000米的浪琴錦標。

賽事頻密就自然引起馬媒呻苦，週一跑完又到週三，賽日評馬都好容易溝亂晒。其實跑得密，連馬迷都會好容易搞亂，無端端週日出排位，去到報紙檔報販和自己都未必攪得清買賣緊那一期。馬會如意算盤是，週日唔跑就可以多一日全日海外賽事，週一跑馬隨時就是全球獨家生意，海外賭盤唔會有太多賭開的馬迷拒絕投注。然而頻頻爆冷的週一賽果來看，可能大額飛也真的沒有以往那麼準，唔知是賽事剛好特別難估還是賭徒真的收斂了。

上次週日賽馬，筆者也入場賭馬，順道享用美食。觀乎當日場內旗幟，發現直路逆風時，由於風大，放頭馬大都難以勝出，唯獨中間有一兩場風勢突然停了，放頭馬果然勝出。對於以上狀況，其實只靠開場報風向，未必有幫助。若果馬迷想知道現場風向因素才下注，有兩個方法，一是入場，二是靠電視捕捉住開跑時的旗幟並有所報導。當然馬會可以科學化一點，索性在直跑加上測風機，並每場即時公佈讀數，相信會對賭大點有幫助。

今次投注方式，下注如下：

第2場1號 友得盈

第5場2號 長勝金剛

W2x3共500元

P2x1 共500元

累積投注 13,000 元（包括今次）

累積回報 6,375元

Agent 14

(Photo Source: HKJC)