2026年10月7日香港中華廠商會盃賽日

落飛黨投注趕客 賽駒不足礙發展

2026年10月7日快活谷夜馬，用C+3跑道，共9場賽事，一場盃賽，安排於第五場四班 1000米的香港中華廠商會盃。

上賽日跟馬友通電，一來互通是發現臨場內檔十分有利，二來也呻一下，你知我知落飛黨都知，所以賠率又沒有一截。其實落飛黨的出現，馬迷都是又愛又恨，愛的是若果跟得切，到時賭馬就只要看燈好了，但從此刨馬的樂趣欠奉。相對上，馬會就當然歡迎落飛黨，因落得飛就即是大大注投入彩池，所以馬會不怕落飛黨趕走馬迷，因馬會以為落飛黨才是核心中的核心。然而現時是日日有落飛黨投注，但計條數出來是投注額下跌，咁究竟邊個的錢才是真正核心呢？

其實馬會近年最想做，就是培養核心馬迷和新晉馬主，但現時形勢看來越來越不容易。其一是如果落飛黨變成主流，那麼馬迷如何有心機刨馬？因刨馬樂趣就是覺得自己有好心水又有好賠率，但最終全都給落飛黨食晒，自然越賭越少；至於要產生更多新晉馬主，馬會都好落力去做多點新團體馬。然而筆者感覺是團體多了，但大家看新一季排位出賽，報名馬比以往少、新馬出賽也少了，究竟是練馬師不想出擊，還是真的不夠賽駒出賽呢？

今次投注方式，下注如下：

第2場5號 環球英雄

第3場5號 牛精新星

W2x3共500元

P2x1 共500元

累積投注 9,000 元（包括今次）

累積回報 4,795元

Agent 14

(Photo Source: HKJC)