2026年10月1日國慶盃賽日

打氣要量力而為 外來騎師試水溫

2026年10月1日沙田日馬，用A跑道，共11場賽事，一場盃賽，安排於第三場三級賽 1000米的國慶盃。

回港時番看香港賽馬新聞，原來在筆者旅遊期間，跑馬地馬場有位馬主朋友，可能落力打氣得滯，攪到要叫白車收場。結果如何就不知，因新聞沒有交待，但賭馬叫馬要投入，但記得量力而為。實際上，馬場裡樂極生悲經常發生，只是普羅馬迷未必太留意。別人的事筆者就不多說，但講自己沒有所謂，筆者就是第一次拉到頭馬回家之後，開心到回不到氣而誘發哮喘發作，因此之後都已經較收斂了。

衰野都是少說為妙，不如講講又有外來騎師來港請纓。其實馬會又未至於年年有騎師荒，但很多時到聖誕前就有外地騎師來港獻技，今期又有新面孔。馬會要積極找新騎師，原因好簡單，就是要找一個新雷神或新潘神出來，畢竟雷神已去，潘神也退休在即，現時試試馬迷投注額反應無可厚非。反而有人問不是麥道朗嗎？一來之前請人地，人地也不請願過來；二來馬會是否仍然側向澳洲幫，相信亦是長遠佈局問題，所以澳洲來一些、歐美來一些就最好。

今次投注方式，下注如下：

第2場2號 綫路福將

第6場6號 夢照發

W2x3共500元

P2x1 共500元

累積投注 7,000 元（包括今次）

累積回報 390元

Agent 14

(Photo Source: HKJC)