3月5日沙田日馬，泥草混合，草地用B+2跑道，共十場，四泥六草，一場盃賽，編為第五場四班泥地1200米。九龍塘會好似都有一排無馬，唔知幾時可以有番隻團體馬出來呢？其實這類會所團體就是團體馬之始祖，但現時已經發展到任何三五知己的馬會會員（甚至未必係馬會會員）都可以成團抽馬，所以這些老牌會越來越少馬迷參與，因始終跟老牌會可能多點要求。
行文之時公佈韓星周研訊甩身，都算近年少見（還公佈投注相關投注資料…但其實意義不大，因可能外圍賭得更大），其實若果重判其實唔單止為韓星周可惜，也為馬會可惜。觀乎告東尼，數到近年的蔣嘉琦之後，其實無幾個華人騎師有偶像效應，直至近季先知有班女馬迷是韓星周支持者（還要是自發的，不是馬會推波助瀾），次次入場撐韓星周。事實上，韓星周也交足貨，好多時都博到盡爆下冷，做足偶像本份等粉絲開心下。如今沒有出事，希望粉絲團會越搞越大。
粉紛團搞到幾大就唔知，但24億就一定叫大數目。講番24億，是因為有馬友問到政府擺明收陀地，馬會點解唔反抗。馬會唔反抗，一來反抗無用，隨時得罪政府變相開放賭波，給多幾個平台駐港，到時唔止蝕24億，所以死死地氣都要交這個專利費；其次馬會唔想反抗，因為這次被政府硬抽水，銀碼還可應付綽綽有餘，應總也保證不裁員，乖乖地可能會有運行，所以唔好搞咁多。實際上，負能量的人就可能只會罵政府，特工就建議董事不如正面點看，若果政府想恆常收多點，何不跟政府傾傾加多點彩池，籃球又好、外地賽馬又好，甚至協力推動一下從化早點開跑多幾日都好，自然壞事也可能變成好事的雙贏局面。
今次投注方式，下注如下：
第2場 9號 金運來
第6場 13號 摘星光輝
W2x3 共500元
P2x1 共500元
累積投注 50,000元（包括今次）
累積回報 17,715元
Agent 14
(Photo Source: HKJC.COM)
Comments