3月1日快活谷夜馬，草地用A跑道，共九場，無盃賽。
跑完大賽，自然有一大班馬後炮要跟進。其一，是金槍下仗點先？跑埋2400博做三冠？還是遠征日本挑戰安田紀念？留下來跑三冠尾關，勝出將名留青史（當然現在已經是…），更有額外獎金1000萬，抵玩但唔易玩，因2400始終不是正宗路程，強手林立下要收這1000萬並不容易；相對上，安田路程就夠晒正宗，但話晒不是主場，要勝出未必如在港以往一樣輕鬆。香港馬迷當然想再見本地馬揚威海外，但也著實好耐未見過三冠長途馬王了。特工覺得，要挑戰安田，幾年總會有一兩匹馬王有機，但三冠過了頭兩關絕不容易，所以既然過了兩關，無理由放棄第三關。當然最好是馬會改下期，咁就一天都光晒。
其二，是浪漫勇士又如何？是賽有人話跑輸在於田泰安，又有人話是金槍鬥心點都會鬥贏。特工就覺得浪漫和金槍同場，實際上大家都是旗鼓相當、叮噹馬頭，無話點樣跑，某一駒一定贏（賽馬好玩之處就是受很多因素互動…）。至於田泰安是否騎錯，用麥道朗是否必贏，只得討論空間但一定沒有結論，所以不用嘥氣。另一方面，見到本初之海都可以在沙特贏1000萬美元獎金，點解浪漫唔考慮下呢？實際上，中國本身也希望多與中東地區國家交流，大家都知兩地最共同的語言一定是賽馬（不計油價啦），所以香港馬匹遠征杜拜、卡塔爾和沙特等都是好順理成章，馬會是否要配合一下國策呢？至少特工就有賭下，也有少少斬鑊，好過澳洲馬睇都唔睇。
今次投注方式，下注如下：
第2場 3號 機械戰士
第4場 8號 一舖到位
W2x3 共500元
P2x1 共500元
累積投注 48,000元（包括今次）
累積回報 17,065元
Agent 14
(Photo Source: hkjc.com)
Commentaires