EP.33 熱炒股票好嗎？

投資嘅風格每個人唔一樣，我唔鍾意熱炒股票，就好似近期嘅阿里巴巴，比亞迪，風險太高，而且估值已經唔識計。

我更加喜歡研究股票如何見底，幾時會去轉角位，把握比較高。而且一啲優質股票只有在股災出現才會有你想嘅入市位，3號煤氣就喺個好好嘅例子，佢哋派息政策十年如一日，而且每年派送紅股，過去十年佢真正嘅升幅係恆生指數中數一數二。

佢上一次跌穿250週線係2008年，過去十一年佢嘅升幅遠勝恆生指數，今年3月佢再次跌穿250週線，整個打底過程於2008年幾乎一致，升穿100天線之後就一騎絕塵，兩日前佢再次打底完成升穿100天線，而家係最好嘅入市機會。

就算金融市場再有大風大浪，手揸煤氣可以不慌不忙。

***未持有上述股份財務權益。

***以上內容只作參考，並不構成任何投資建議。