2022年6月8日快活谷A跑道賽日
6月8日週三跑快活谷夜馬，草地採用A跑道，無盃賽。
上賽日最大件事，就是跑馬遇著入錢死機。不少馬迷都怨聲載道，畢竟大部份馬迷都是餐餐清（一日賭完就過戶提走），避免留太多錢在馬會賭多左。今次無端端賭馬先來不能入錢，馬迷一是跑去投注站入錢，一是借朋友戶口賭住先。因為現金投注劃飛早已經不流行，而突然衝入馬場在防疫要求下又不可以，真的是進退維谷。馬會可能應該與匯豐開過會，日後可否不要在跑馬日更新系統，確保賽馬運作如常。要知道，近月投注額已經一再下跌（對比上年同期），今次還要跌到8%過外，各大慈善機構和日後政府收少左，是否可以向馬會和匯豐追討（講笑！）。當然，避到賽馬又未必避到波，所以馬會不如考慮一下接受其他入錢方式，那樣就皆大歡喜。
特工較好彩，那天一早去拜山，祖先庇祐下，頭幾場無份參與。再加上之前的英國馬中了冷門二重彩，買了就瞓，第二朝都未得閒提款，所以有充足子彈。拜山拜神都是中國人文化傳統，但新練馬師黎昭昇初到貴境，一樣入鄉隨俗，請埋風水師，揀過良辰吉日，同副練和手足在奧運馬房拜四角。其實拜神拜山是否真的有庇祐就見仁見智，但難得有點活動讓伙計開心下，信的又心安理得，又可以順便聯誼下馬主和騎師，無傷大雅何樂而不為。
今次投注方式，下注如下：
第2場 10號 堅離地
第6場 9號 甲烷
W2x3 共500元
P2x1 共500元
累積投注 78,000元（包括今次）
累積回報 46,637.5元
Agent 14 (Photo Source: HKJC)
Comments