2026年3月4日冠忠巴士盃賽日

滯留杜拜點算好 打吡亂局幾好睇

2026年3月4日快活谷跑夜馬，用C跑道，共9場賽事，一場盃賽安排於第六場三班1200米的冠忠巴士盃。

世事難料就是這樣，估不到去跑馬居然遇上中東大戰，馬會說足足有26人滯留杜拜，執筆時仍未知歸期。老實講，就算人可能短時間安排回港，筆者都想知昇龍駒是否一樣可以同時回來。相對上，今次馬會都算走運，因偏偏今屆沒有大量派馬出征，你話如果幾匹馬王去左都好大鑊。現在唯有寄望戰事快點平息，等一班港人港馬順利回港。

至於上賽除了見證浪漫勇士繼續輕勝，對於經典盃賽果又重新執位，馬迷對於打吡誰孰都議論紛紛。實際上筆者早前已經說過，今屆四歲系列，一直都沒有太好心水，主要是沒有看到那駒表現好突出，估不到上仗小鳥一飛衝天之勢，今仗居然大慢閘，而表現最穩定的，算是數字天文。若果以觀看性，大家實力接近，今屆打吡可能幾好睇；但相對來看，可能今屆我們仍然沒有新馬王誕生的機會了。

今次投注方式，下注如下：

第2場1號 問鼎巔峰

第6場1號 佳登

W2x3共500元

P2x1 共500元

累積投注 51,000 元（包括今次）

累積回報 15,245元

Agent 14

(Photo Source: HKJC)