敲鐘倒數馬場忌 禮尚往來大團圓
2025年1月8日跑快活谷夜馬，採用A跑道，跑九場包括了一場级制盃賽，就是第五1800米的一月盃。一月盃是每季谷草唯一一次级制賽，其實既然快活谷不夠高班賽程，可不搞多點分齡分級甚至今季未勝的賽事，等高分快活谷好手或處女馬多點出路。
近期馬會又搞新花款，為了準備破紀錄的潘神，搞了個噹噹鐘給潘神，每次贏多一場就敲一下，同時也倒數來計住還剩幾場可以破紀錄。然而，跑馬畢竟有點邪門，搞這些敲鐘和倒數，中國人就好忌又終又倒。當然在鏡頭前，潘神好似好喜歡這儀式，鬼佬不忌就好了。
中國人畢竟是仁義之幫，圈內的鬼佬也被感染，所以馬場上下都是一團和氣為大前題。先在聖誕節前為賀銘年送上聖誕禮物而贏得今季首場頭馬，上期又有沈集成在新一年後和農曆年前送巫顯東一場頭馬，兩師徒來個大團圓。既然這些練馬師、騎師能夠及時被雪中送炭，馬迷也可以推論到，你說這幫人是否完全不知馬匹機會呢？還有這幫人是否可以操控賽果呢？都是那句，好似有點可以，但又不是完全可以囉。
今次投注方式，下注如下：
第2場12號 運來伍寶
第6場5號 波爾多
W2x3 共500元
P2x1 共500元
累積投注 36,000元（包括今次）
累積回報 50,470元
Agent 14
(Photo Source: HKJC)
Comments