5月5日沙田日馬，泥草混合，草地採用B跑道，跑十一場，九草二泥，一場新馬賽及一場三級盃賽，設於第八場2400米途程的皇太后紀念盃。有不少人說到現在都非殖民地，點解馬場那麼多女皇、皇太后之盃賽呢？其實馬迷不用太介懷，畢竟賽馬運動就是從英國發揚光大，就算外地如日本、韓國等非殖民地地方，一樣有英國傳統盃賽，志在讓人一聽就知是那個水平或那途程的大賽，好等馬主們跟外地人一說自己捧過女皇盃，人家都知是厲害的！
講開捧盃，馬主的馬匹勝出賽事，兼且可以捧下盃，當然是樂事。因此，馬會在不同賽日都會搞下不同班次盃賽，好等多點馬主享受一下捧盃滋味。然而世事豈會盡如人意呢？尤其馬場內，特別是團體馬中，個個成員也是老闆級，有大有細，但投了錢，自然就樣樣都想參與，最終亦容易引起更多爭議。若果參加團體馬，自己馬匹資訊又有局限，拉頭馬又諸多限制，捧盃又要讓路他人，參與者當然覺得不是味兒。筆者還好一向雲淡風輕，一早洞悉當日宜靜就不宜動，怕去到左右做人難，所以叫做避過一劫。其實一切本是平常事，所謂合久必分，分久必合，嚴格來說沒有絕對錯誤，道也，信乎？
今次投注方式，下注如下：
第七場8號 勇霸龍
第八場9號 嘉應傳承
W2x3 共500元
P2x1 共500元
累積投注 69,000元（包括今次）
累積回報33,192.5元
Agent 14
(Photo Source: HKJC)
コメント