5月11日沙田日馬，泥草混合，草地採用C跑道，跑十場二泥八草，兩場盃賽，分別就是第五場四班1200米的九龍木球會百週年紀念盃和第七場二班的中國香港欖球總會盃。週六跑馬，又兩個盃賽，馬會是否想多點人氣又可刺激一下投注欲。
其實還有兩個月就到季尾，相信大家都心裡有數，可能又有練馬師會被提早退休。其實人去人來本常事，但世人總有特別緬懷的日子，總投訴今夕不及往時。事實上，馬會新一批的練馬師，不論華洋，筆者都覺得他們有料，至少有很多馬匹新種培訓，以及招呼不同馬主的需求都叫做到，我覺得馬主們就應該無咩投訴。若果個個都要求新來的練者要衝冠的才叫有料到（好似神仙、伍仔等），那大家求學時期是否會說一班同學只有頭一二名的才識讀書？
既然知道早晚有人離場，馬會點會坐以待斃，所以聽聞早已部署好後來新人。然而這位新人也算傳奇，因嚴格上來說，大家都知他做副練時，就已經單拖看守馬房期間贏過馬，證明有料到，加上有馬主支持，坐正是早晚的事。那麼下季又有新華藉練馬師、又有洋藉練馬師，都算繼續平衡得幾好。
今次投注方式，下注如下：
第二場4號 木火兄弟
第五場7號 樂威煌
W2x3 共500元
P2x1 共500元
累積投注 71,000元（包括今次）
累積回報33,192.5元
Agent 14
(Photo Source: HKJC)
Comments