粉红莎莎跑銀袋 賣樓騎師不用愁
2024年11月3日跑沙田日馬，用C+3跑道，第七場就安排是日主題跁三級賽1800米的莎莎婦女銀袋賽。每年婦女銀袋都一定衣香鬢影，不少美女就是等這一日，攞正牌打扮得誇啦啦，碰巧今次阿Sa代言SaSa，就更加相得益彰。
最近馬圈熱話居然燒到周俊樂，事源周同學蝕幾百萬沽出其白石角嘉𤋮私人單位，都未話唔肉赤。當然大家都知騎師是高收入人士，要賺回幾百萬的機會多的是。實際上，近十年買樓的，無幾多個有錢賺，所以周同學要供理論上供得起，只是周同學蝕住也要沽，唔知馬會保安部會否查一查其財政狀況呢？
點解咁講？畢竟了解馬場運作之人士財務狀況，絕對是保安部必要做的監察。當然筆者絕對沒有說周同學或甚至任何騎練有問題，但其實相信圈內人都知，監察是無處不在，所以周同學不怕見報，反而筆者會覺得他應該沒有紀律和財政問題。
對於維護賽馬運動之廉潔，馬會保安部出了不少力，但未必好多人知道和認同。畢竟很多人覺得馬場仍然有不少做馬之嫌（網上經常有人說騎師無心機跑），臨場又多大幅落飛黨狂中（馬迷都覺得一定是收到料）。筆者只可以說，這個就是競賽的一部份（有得賭，就一定有人說做馬），陰謀論永遠有市場，邪惡份子也永遠不能杜絕，所以在賽馬上只看重這些，就很難看到賽馬運動帶來正面的效果。
今次投注方式，下注如下：
第3場3號 相映红
第5場4號 但求開心
W2x3 共500元
P2x1 共500元
累積投注 17,000元（包括今次）
累積回報 10,665元
Agent 14
(Photo Source: HKJC)
Comments