6月28日快活谷夜馬，草地用C跑道，一場盃賽謂怡和挑戰盃，編為第5場四班1650米。有人話香港回歸了廿多年，怡和也沒有在殖民地年代那麼呼風喚雨，但筆者就覺得殖民歷史是香港的獨特部份，無必要完全抹去扮無發生過，而怡和挑戰盃亦有其歷史價值，所以值得保留。
上賽日投注額大跌，可能有三個原因，其一是月尾是糧尾日子賭仔所剩無幾，其二是週中不少賭仔已經在皇家雅仕谷賽期輸乾輸淨，其三是馬迷們已經適應黃昏馬了，不少朋友都是選上半場還是下半場，等於賭少一半，所以馬會搞黃昏馬無疑對騎師和馬匹好，但對自己荷包唔住。然而，問到特工點睇的話，特工都支持黃昏馬，畢竟維持騎師和馬匹健康是賽馬運動之必要原素，若果連騎師和馬匹也熱到出事，對賽馬活動弊多於利。
講開雅仕谷，特工見網民都話福逸跑得差，無態等。首先馬迷們都明白，遠征從來不易，尤其老馬高峰已過，唔係咁容易谷到巔峰；其次是跑這些皇家雅仕谷，獎金不會高於香港獎金，還要閹馬連配種價值也沒有，只得一點名譽，所以點解無日本馬遠征也有原因。當中一位網民說得特別到位，就是網上口痕友可以亂講一通無須負責，但馬主跑傷隻好馬就好慘，人家外隊唔怕因傷了還可以配種，但香港馬主無此選擇，所以香港馬不遠征其實也有其獨特原因。
今次投注方式，下注如下：
第三場7號 鎂之妙
第五場1號 包裝傳承
W2x3 共500元
P2x1 共500元
累積投注 82,000元（包括今次）
累積回報 33,915元
Agent 14
(Photo Source: HKJC)