5月3日快活谷夜馬，草地用A跑道，一場盃賽謂聖佐治挑戰盃，編為第七場三班1200米。大賽過後，快活谷賽事不一定失色，至少馬場少了人，手機投注可以正常落注。
上賽日馬友有馬出，所以特工在這人山人海的日子都可以入馬場，見證神徒搶佔馬會沙圈。藉著這些大賽日，馬會搞下活動吸納一下新馬迷都好正常，日本馬會都經常搞。然而出來的數據就只是入場人數上升而投注額下跌，其一原因是此日跑少一場，其次是不少入場人士只是參與追星活動而不是投注，最慘是人多了塞晒網絡（手機訊號和馬會Wifi也塞），不少馬主朋友離開沙圈後想落注也不做不到。從特工觀察，馬會如車多一兩團國內客入場，投注額應該比車滿沙圈的粉絲更好，至少遊客多少都會買點玩下。另外，這麼多人入馬場，馬場人手明顯不足，幫我們落單的侍應明顯雞手鴨腳，落單的唔知咩叫茶走，連平日幫手拉門的服務員也不見，搞到特工多次出入都要幫老馬迷（這些才是忠盛馬迷）拉門方便他們出入。
當然最尾不得不提潘神最終都決定留港，主要是馬會願意放騎師多點出去跑嘉年華，但唔知是否好事界定壞事。表面上好像有多點自由度給香港騎師，但老實說，馬會可以放，但其他馬會又有無得放先？當然話分兩頭，潘神等外藉騎師可以四圍飛，可能多點機會給留守香港騎師，這看來又未必太差。然而側聞成日被罰的蘇兆輝也決定離開，香港馬不只馬口不夠，早晚連騎師也不夠，馬照跑都可能玩完。
今次投注方式，下注如下：
第1場 9號 馬主星輝
第6場 6號 木火同明
W2x3 共500元
P2x1 共500元
累積投注 67,000元（包括今次）
累積回報 24,545元
Agent 14
(Photo Source: HKJC)
Comments