5月10日沙田夜馬，全泥夜宴，無盃賽。唔知點解，馬會搞親沙田泥地夜賽，仍然只開八場，又不放少少盃賽，搞到夜泥氣氛份外差。然而，近期看到的數據都幾奇怪，馬會大大力宣傳的冠軍賽馬日，原來是近期少見的投注額下跌，反而其他賽日比同期都大幅上升，莫非有人跟馬會或贊助商對著幹？
上賽日終於有新十磅仔處子登場，可惜大熱門下只跑一席第四，其實頗令人失望。畢竟此小子之前在外地好似贏到開巷，但回來跑條直路賽都好似推不郁匹大熱門，這除了反映其騎功仍有待進步，亦多少顯示外地馬賽績未必太可靠。點樣不可靠？部份賽事可能真的是馬匹超班揹個騎師番來，部份賽事可能真的贏在騎師騎功，正宗馬無人有都得。其實馬會應該改變一下培訓策略，由每年一個兩個十磅仔，學下警察索性去內地招募，一次過訓練一大批騎師和策騎人吧。
當然馬會也終於主動一點了，邀請了艾道拿來港獻技，連同嘉里，其實大家都看得出騎功都係一般般，所以成績也都是一般般。當然特工也希望自己睇錯，到時就不用潘神呼風喚雨。然而同氣連枝之下，換來換去都是一批澳洲系，相信都是小圈子話事。反而經過多季觀察，特工覺得年輕人霍宏聲其實最有亮度，不單比我們那批十磅仔勁（其實比他們還年輕），同時博殺也有狠勁（當然單計取勝率和上名率不高，但下風騎師經常要騎減分馬和下風馬呀！），偏偏馬會就對留港騎師沒有多少支援，嘆奈何。
今次投注方式，下注如下：
第2場 2號 泉龍駒
第4場 1號 華卓晴
W2x3 共500元
P2x1 共500元
累積投注 69,000元（包括今次）
累積回報 24,545元
Agent 14
(Photo Source: HKJC)