4月15日沙田日馬，草地用C跑道，一場盃賽謂香港賽馬會社群盃和北京會所週年盃，編為第四場三班1200米和第六場四班1800米。社群盃好似都有好幾年跟北京會所盃同日舉辦，其實都幾好，至少北京會所的人員來港，更加明白到香港馬會運作是主要服務社會的公營機構，而不是純綷賭博賺錢的賭場。
黃昏馬已經九成鐵定於六月試辦，未來是否會變主流，多少也要看馬迷反應。本地馬迷相信最大衝擊，就是以往週日跑完馬先去匯合家人和朋友食飯，現在變相要早上飲完茶或去完教堂先入場。這個有好又有唔好，好處是食完先入馬場，保證唔會賭到連晚飯錢或奉獻也不夠；唔好處是週日晚上要家人改動生活習慣，搞唔掂的馬迷可能被逼放棄賭馬。最簡單可以想像到的問題，就是演唱會和飲宴等，多數是晚上舉行，這就難免又要二擇其一。當然樂觀點看，可能可以一邊去飲、一邊賭馬，親戚聚會更加打成一片。
另一則趣聞，就是馬會居然開快勞研訊鄭俊偉向方嘉柏擲馬簿事件，資深馬迷都會覺得得啖笑，因為這也不是第一次，大家都知是兩位練馬師講笑。馬會管理層跟十年前相比，基本上人面全非，所以就會鬧出這樣的笑話。當然，馬會可以渣正來做說只是避免給人錯誤印象，但特工覺得實際上有反效果，反而讓人覺得馬會內部只可以存在競爭而不可能有友誼，這個比賽第一、友誼第二，又是否馬會想建立的形象呢？
今次投注方式，下注如下：
第7場 4號 名門望族
第10場 8號 隱形翅膀
W2x3 共500元
P2x1 共500元
累積投注 62,000元（包括今次）
累積回報 22,830元
Agent 14
(Photo Source: HKJC)
Comments