3月22日快活谷夜馬，用C+3跑道，一場盃賽是警察盃，編第七場1200米的三班賽。馬會搞警察盃是必然事情，畢竟馬場運作，很多時都需要到警察配合，例如快活谷入場道路改道和人潮管制，以及打擊外圍波欖馬欖，所以搞個警察盃來表揚馬會和警方合作無間是件好事。反而好似無咩廉政盃，可能廉署想表現得更低調吧。
打吡曲終人散，唔知大家是否滿意賽果呢？特工覺得此場之勝，真的是勝在騎師巴度，所以有人話巴度是大賽騎師絕對無錯，平日獎金不多就久不久hea下是法國人一貫態度。馬主、練馬師和騎師看重打吡，主要是在本港一生一次，加上獎金高，所以可以理解。然而馬迷對於打吡賽績，反而未必看得那麼重，畢竟只是四歲同齡馬平磅賽，這批馬若果日後再參加其他高班或精英賽，對著其他年長份子，未必真的那麼超卓。單單看這次打吡完成時間，就知水準一般，所以敗者日後可能可以反敗為勝，勝者也可能很快評分已盡也不出奇（這個亦可能是以往打吡魔咒的來源）。
巴度冷手執個熱煎堆當然有點運氣，反而是其他幾位外藉師傅，好像越跑越少見，究竟馬會想點處理。若果單單以身手論，特工又不會說他們每位都不如其他前列騎師，當中當然有高有低，但最大問題是無馬騎。實際上，香港賽事是跑評分制，若果每次減完分就換潘頓，其他騎師當然無癮，久而久之搵機器人來騎馬先得。所以特工都越來越支持馬會考慮經理人安排，好樣各位騎師都有機會騎有機會之馬。大膽的假設，若果馬會又想有騎師又怕他們留港無馬騎，可不將澳門、甚至新加坡等地，搞個共享騎師計劃，到時騎師在香港無馬騎可以跑去澳門騎，而香港馬無騎師可選，可以到新加坡找騎師來港也可，互惠互利。
今次投注方式，下注如下：
第6場 3號 安帥
第7場 6號 運高八斗
W2x3 共500元
P2x1 共500元
累積投注 55,000元（包括今次）
累積回報 19,560元
Agent 14
(Photo Source: HKJC.COM)
Comments