3月15日快活谷夜馬，用C跑道，有一場盃賽愛爾蘭錦標，編第五場四班1000米。馬會搞這些地區錦標志在跟多地馬會相關人士聯繫，未知幾時會有沙地、卡塔爾和阿聯猶錦標，話晒中國明顯傾向開拓中東外交關係，馬會應該順道幫幫手。
千呼萬喚之下，馬會終於公佈新練馬師是澳洲的廖康銘。馬會找澳洲練馬師唔奇怪，但以其資歷和成績，未算超班，年資也不長（年紀亦未算年輕）…但居然也會獲得邀請，相信原因有三。其一是快將有外藉練馬師劈炮，所以馬會先行宣佈人選，免馬主投訴；其二是澳洲幫仍然是本港賽馬重心，所以找個澳洲開倉的，好過找其他地區，不對口型就多爭議；其三是近廿幾年來說，以澳洲為基地的練馬師，先不要論是否冠軍級，至少大多能夠在香港站穩陣腳，甚少成績滑落到收信邊緣，相反其他地區練者就明顯較參差，這也多少因為本地練馬模式、場地和馬匹血統也跟澳洲運作相近所至。
馬會在練馬單位算是解決了問題，聽聞季尾前會多一位華人開倉，所以馬主們要買馬入籤都唔洗擔心無人收馬。相反騎師陣營就仍然危危扶，因為原本想賈傑美過來，點知現在伊人墮馬康復中，打吡就一定黎唔到，下季還會否來港又添變數。其實馬會找騎師不妨開放些，未必一定要找澳紐藉騎師（點解一定要澳紐藉？無非也是貪他們夾開其他外地投注平台之顧，你懂的），事實上香港早年有南非騎師在港成名，後又有巴西冠軍級騎師，甚至如毛里求斯藉的田泰安一樣可以在港站穩陣腳，所以不妨開放多幾個牌給外藉師傅來港試試，最重要還是要找經理人幫他們找好馬，自然又有一代新人出現。
今次投注方式，下注如下：
第1場 6號 慶萬家
第2場 11號 豹子膽
W2x3 共500元
P2x1 共500元
累積投注 53,000元（包括今次）
累積回報 18,625元
Agent 14
(Photo Source: HKJC.COM)
Comments